كان هزااااااااااااااار ##

كان هزار
دا كان كلام وفي الهوا طار
لا يستاهل الحزن دا ولا المرار

مع ذلك الكلام سكت
ولقيتها في حضني أترمت
وبنهر دموع بكت

قالتلي أنا خفت
بعد ما بعيوني الفرح شفت
تصحيني وألاقيك أيديا سبت
لأ ياريت قبلها أكون متّ

وبحاول أهدّيها وأطبطب
وحاجات جوايا باكتب
وحاجات عليها باشطب
أصل كنت عليها باكدب

أصله مكانش هزار
أصله أتعلق بيا
وأنا كنت بالعب بيه
وأمله بقي فيّا
وثبت عليّا عينيه

وأستغربت من نَفسي
دا أنا كنت بقول نِفسي
أسيبه وأشم نَفَسي

كنت فاكره خانقني بحبه
طلعت أنا تاعبه وسبب غلبه

بس في الاخر معرفتش أسيبه
أصل أنا أحترت ألاقي عيبه
وبعدين خفت عليه حتي الجرح يصيبه

خفت تتعكر روح زي وش المية صافية
خفت يبرد وتضيع منه المشاعر الدافية
دا كان حنين عليا ولا عنده حاجة بالعافية

شكلي حبيته
وياريت قلبي كنت هاديته
من الأول

بس ملحوقة
دا أنا أخليه جنبي وأنسيه الهم
ولا يطلع مني كلام يجرح أو كلام سم

حتي
لو كان
هزار................

بجد كلام حلو اوووووووووي
تقبلي مروري يا عسل

زائر

تسلمى يا عثل
كلام جميل وحلو كتير

مرسي على مروركو يا عثاثيل

lol!