حقيــــــــــقة الشباب

حقيقـي.. الولاد دول حاجة صعبة مش ممكن أبداً.. ح تعرفـوا ليه دلوقتـي

لو عاملتيه حلو يقولوك واقعة فى هوايا

وان معبرتيهوش يقول عليكي مغرورة ومناخيرك في السما

لو لبستي حلو واتشيّكتي يقول بتعمل كده عشان تلفت نظري ليها
ولو انتي عمليّة شوية يقول عليكي فلاّحة

لو اتناقشتي معاه هيقول عليكي عنيدة
ولو سكتّي هيقول عليكي مخك فاضي

لو انتي أذكى منه هيدّيكي الوش الخشب
ويا سلام لو هوّ اذكى منك.. هتتفرّجي

لو مش بتحبيبه هيحاول يتملّكك
ولو انتي بتحبيه وكنتي عبيطة وبيّنتى حبك ليه بسرعة هيحاول يسيبك

لو قلتيله على مشاكلك هيقول عليكي مزعجة
ولو مقولتيش هيقول انك مش بتثقي فيه

لو حاولتي تنصحيه هيقول عليكي عايزة تتحكمي فيه
ولو هو اداكي أمر (قصدي نصيحة !!!) ده لانّه بيخاف عليكي

لو حصل ووعدتيه بحاجة ومعملتيهاش هتبقي مش موضع ثقة
اما هوّ لو خلف وعده فده غصب عنه.. اضطر

-لو انتي حليتي حلو فى الامتحانات يقولك ده حظ
اما هو لو حل حلو يقولك ذكـاء

لو جرحتيه تبقى قاسية ومعندكيش قلب
اما لو جرحك فيقولك انتي حساسة اوي ومكبرة الموضوع وهوّ مايستاهلش؟؟

هههههههههههه ده نموذج مش العام

زائر

ممكن طلب أتشطب من النموزج ده لو اسمى فيه
لأن ولا أى حاجة من دى انا بعملها
ومش كل الشباب زى بعض

تسلمى يا نوزى على الموضوع الجميل ده ويارب بعض الشباب يتقبلوه

ههههه دة كله شيلاه في قلبك يا نوزي .. معلش معلش ..

بالنسبة ليك يا ميمو << أكيد مش كل الشباب زي بعض ^^

مرسي ليك ياميمو بس اغلب الشباب كده

وكمان حور مرسي على المرور

زائر

يااااااااااه ده انتى قلبك اسود قوى
وبعدين هما عندهم حق
معظم الأوقات بتطلع البنات غلطانه وبتتفلسف على الفاضى
وعلى العموم انا متعاطف مع الجنس الأخر
وده لا يتعارض مع رجولتى وقسوتى
عــــــــلى البــــــــنات

وشكرا على الموضوع الطبيعى ده
زيــــــــــزو

مرسي على المرور زيزو بس انا لا قلبي اسود ولا حاجة
انت بس مضايق علشان أكيد الكلام ده صح 100% هههههههه

على فكره الكلام ده في شيء من الصحه بس مش مع كل الشباب يعني اكتر الشباب كده

بس كل واحد وطبعه