موضوع مهم جدا:مبخفش غير من اللي خلقني؟

بسم الله الرحمن الرحيم

انا كنت بفكر اكتب الموضوع ده ومش منقول والموضوع ده بيخص الشباب يعني ممكن البنات يردوا بس بردوا عايز كل الاولاد يكونوا موجودين ماشي

نبدأ الموضوع

دلوقتي كل واحد فينا لما بيجي يتخانق مع حد او حاجه مثلا وييجي حد من اصحابك يسالك السؤال الطبيعي اللي هوه ((انته خايف منه ولا ايه؟!))

ترد تقولوا:فشر انا اخاف من ده انا مبخبفش غير من اللي خلقني

الموضوع بقى ((مبخفش غير من اللي خلقني))


تعالي بقى معايا كده انته بتقول انا مبخفش غير من اللي خلقني ماشي انا معاك لآخر الطريق

نشوف بقى انته بتعمل ايه عشان تثبت انك مبتخفش غير من اللي خلقك......

((الا من رحم ربي ))

1- ممكن متكنش بتصلي غير يوم الجمعه وممكن كمان متصليهاش..
2- ممكن مبتسمعش كلام ممتك او بباك(ولا تقل لهم اف لاتنهرهما))..
3- بتشرب سجاير وومكن بانجو وحشيش..
4- الشتايم بينك انته واصحابك طبيعيا كده..
5-معاكسه البنات بتطلعوا على النيل وماشاء الله مبتسبوش بنت في حالها...
6- مفيش حاجه في قاموسك اسمها مذاكره مع انه العلم فريضه على كل مسلم ومسلمه..
7-بتتفرج على حاجات محرمه وخليعه خليك من اللي بالي بالك خلينا في مثلا روتانا سينما او حين ميسره أو أو أو أو..
8-بترجع البيت وش الفجر زي مايكون مفيش حقوق للي في البيت دول....
9-والأهم بقى انك بتتخانق مع اخوك المسلم....

تعالى بقى قولي عملت ايه على اساسه بتقول انك مبتخفش غير من اللي خلقك

وطبعا ملاحظه مهمه جدا((الا من رحم ربي))..

ولو حد معترض على الكلام ده يقولي وانا مستعد اناقش الكلام ده..

وانا آسف لو حد زعل مني
((مش منقول مكتوب))

شكرا على الموضوع الجميل ده وبجد الكلمة دي بقت على لسان اي واحد

تقبل مروري

بأمانة الكلام ده كبير ويارب يوصل لكل الشباب علشان تعرف أد إيه الله غفور رحيم يقبل التوبة الصادقة.
ملحوظة
((الله سبحانه وتعالى لا يحب التوابين))

المعنى: يعنى واحد يقولك أنا خلاص تبت إل الله وبعد كام يوم يرجع للى كان بيعمله وبعدين يرجع يتوب تانى وهكذا إلخ إلخ إلخ!!!.

أنا هتكلم بكل جد وكل صراحة أكيد لو أنت بتحب ربك أكيد إنك مش هتحاول تعمل حاجة تغضبه متقوليش بأ يعنى زى كل الشباب اليومين دول والكليبات والبنات (اللى عايز حاجة هيعملها) يعنى عايز تعرفنى إنها لو طلبت معاك أى حاجة انت عايزها مش دور عليها وكمان مش هتسكت إلا لما تلائيها صح ولا أنا غلطان.

أنا كمان فيا بعض عيوب وأكيد أنا مش فرحان بيها لكن بحاول إنى أغيرها للأحسن ومفيش حد مننا معفى من العيوب.

وياب كل واحد مننا يحس بكده ويحاول أنه يصلح من نفسه مش علشانى ولا علشان الناس علشان نفسك علشان لما تيجى تتحاسب يوم الحساب تلائى حاجة انت عملتها كويسة فى حياتك إنها تساعدك.

وبعدين واحد يقولى طيب منا بعمل خير كتير وبتصدق وى وى وى وى لكن ........ أهم شيئ واكتر حاجة هتتسإل عليه هى نفسك ((وبعدين يا أخى لو أنا إديتلك أمانة مش هترجعها من غير ما تبص فيها حتى)) فما بالك لما ربك هو الذى إدالك هذه الإمانة وانت بهدلتها وتعبتها يا أخى وصل الأمانة ولو سليمة.

تقبل مرورى أخى الكريم الحبيب فى الله.

شكرا ياحبي على الكلام الجامد ده ياريت بس الكل يحاول يعمل بيه لنفسه مش لينا اصله مش هينفعني بحاجه ولا هينفع حد انا يوم ما الاقي واحد مش طابقه اديله استماره 6 واقوله ربنا معاك بس عشان الناس تحبك وقبل كل ده ربنا يحبك

وشكرا يا رجاله